Архіў

13 траўня славуты польскі фольк-гурт Transkapela, у якога нядаўна выйшаў новы альбом “Over The Village”, выступіць у Гродне, 14-га - у Мінску.

Лідэр руху “За Свабоду” Аляксандр Мілінкевіч і старшыня Камітэта абароны рэпрэсаваных “Салідарнасць” Іна Кулей знаходзяцца з візітам у Францыі. Цягам свайго візіту Мілінкевіч правёў некалькі сустрэчаў з французкімі палітыкамі, грамадскімі дзеячамі ды журналістамі. 8 траўня Мілінкевіч і Кулей прымалі ўдзел у мерапрыемствах, прымеркаваных да Дня Перамогі ў Другой Сусветнай вайне. У інтэрв'ю Рацыі беларускі палітык распавёў пра мэты візіту і спадзяванні ад паездкі.

Ідэя новай стратэгіі апазіцыі, якую агучыў каардынатар грамадскай ініцыятывы “Хартыя-97” Зміцер Бандарэнка, адразу ж выклікала хвалю водгукаў.

Рацыя пагутарыла з часовым павераным ў справах ЗША ў Беларусі Джонатанам Мурам пры нагодзе яго онлайн-канферэнцыі на "Беларускіх навінах". Найперш мы запыталі пра тое, ці слушна зразумелі ў інтэрв’ю намесніка дзяржасакратара Дэвіда Меркела, што зараз беларускім уладам была зробленая прапанова: адмена санкцый супраць “Белнафтахіму” - у абмен на вызваленне ўсіх палітычных зняволеных.

8 мая апеляцыйны савет Нацыянальнага цэнтра інтэлектуальнай уласнасці пакінуў у сіле рэгістрацыю таварнага знака кампаніі "МТС" з выявай белага яйка ў чырвоным квадраце.