Архіў

Сітуацыю якая склалася паміж Польшчаю і Беларуссю з-за Саюзу палякаў на Беларусі наш карэспандэнт Сяргей Скулавец абмяркоўвае з дэпутатам Еўрапейскага парламента Яцэкам Сарыушам-Вольскім.

Прэзідэнт Польшчы Лех Качынскі сёння зрабіў зварот, змест якога знаходзіцца на інтэрнэт-старонцы кіраўніка дзяржавы. Міністр у Канцылярыі Прэзідэнта Марыуш Хандзлік паведаміў Радыё Рацыя: - Пан прэзідэнт выдаў на сваёй старонцы такі зварот, які ёсць знакам салідарнасці. Зварот ёсць заклікам да зменаў, якія мусяць быць на Беларусі. Старшыня Еўрапарламенту Ежы Бузак заклікаў беларускія ўлады да неадкладнага спынення пераследу польскай меншасці ў Беларусі. Еўрадэпутат Павел Коваль лічыць, што Польшча не павінна заахвочваць недэмакратычную беларускую ўладу і мусіць адмяніць візіт міністра замежных спраў Беларусі Сяргея Мартынава.

Аб сітуацыі, якая склалася вакол Дома польскага ў Івянцы, карэспандэнт Радыё Рацыя пагутарыў з еўрадэпутатам Паўлам Ковалем.

У гутарцы з падсакратаром Стану Канцылярыі Прэзідэнта Рэчы Паспалітай Польскай Марыушам Хандзлікам карэспандэнт нашага радыё Сяргей Скулавец закранаў тэму салідарнасці кіраўніка Польшчы з палякамі на Беларусі.

Партыя права і справядлівасць заклікае міністра замежных спраў Польшчы Радаслава Сікорскага адмяніць планаваны на 12 лютага візіт кіраўніка беларускай дыпламатыі Сяргея Мартынава ў Варшаву. Польскае міністэрства замежных спраў не каментуе гэтай заявы.

Грамадская арганізацыя БНФ "Адраджэнне" атрымала з Міністэрства культуры адмоўны адказ на свой зварот да Рэспубліканскай Рады па пытанні гісторыка-культурнай спадчыны з прапановай надаць бел-чырвона-беламу сцягу статус гісторыка-культурнай каштоўнасці.

Разгляд справы польскага Дома ў Івянцы, нібыта аб незаконным завалоданні будынкам, адбудзецца 15 лютага ў Валожынскім раённым судзе, паведаміў старшыня галоўнай рады непрызнаванага ўладамі Cаюза палякаў Анджэй Пачобут.

З ініцыятывы камітэта дзяржкантролю на неакрэслены тэрмін гарадзенская тытунёвая фабрыка “Нёман” прыпыніла кантрактную вытворчасць цыгарэт сусветнавядомай карпарацыі British American Tobacco.

Канстытуцыйны суд адмаўляецца разглядаць пытанне пра законнасць 193 артыкулу крымінальнага кодэкса - актывіст Маладога Фронту Кірыл Атаманчык яшчэ ў снежні звярнуўся да Пятра Міклашэвіча з адпаведнай заявай, аднак пакуль атрымаў толькі адпіску.

Беларускі абаронца Руслан Салей выведзены з спісу траўміраваных «Каларада». Не выключана, што ён возьме ўдзел у адным з бліжэйшых матчаў чэмпіянату НХЛ.