De facto – тое, што адбываецца на самой справе. Палітыка de facto – тое, што насамрэч стаіць за палітычнымі падзеямі і палітычнымі рашэннямі. Штотыдзень па панядзелках а 12.40 і 23.40 ды па суботах а 9.40 па беларускім часе -- самае цікавае з унутранай палітыкі Беларусі, тое, што на першы погляд не бачна за афіцыйнымі тлумачэннямі і прыгожымі фразамі палітыкаў.

У Беларусі па-за афіцыйнымі структурамі і партыямі, акрамя асобных палітычных лідэраў дзейнічаюць палітычныя групоўкі, аб'яднаныя як на падставе агульных інтарэсаў, так і сямейных адносінаў. Палітыка de facto – пра асноўныя з гэтых груповак, пра бацькоў і дзяцей у палітыцы, аб сутнасці суадносінаў улады і апазіцыі, і пра многае іншае.

Аляксандр і Віктар Лукашэнкі, Аляксандр Казулін, Вольга і Юля Казуліны, Вінцук і Франак Вячоркі – сярод герояў перадачы. А таксама, паколькі асаблівасць беларусай палітычнай сістэмы ў тым, што не толькі дзеці ўслед за бацькамі ідуць у палітыку, але і наадварот, Андрэй Кім – Таццяна Кім, Павел Севярынец – Таццяна Севярынец. Разам з імі ў перадачы Палітыка de facto --   палітычныя аналітыкі, лідэры і звычайныя людзі, якія адчуваюць на сабе  de facto палітычных падзеяў.