Пад такою шыльдай у ноч з 18 на 19 сакавіка адбудзецца 5-я акцыя ў падтрымку асноўных свабодаў у Беларусі.

Вернікі царквы “Новае жыццё” не маюць намеру пакідаць свой будынак. Пра гэта заявіў юрыст царквы Сяргей Луканін. Цяпер будынак належыць мінскім уладам, але вернікі не згодныя з такім рашэннем.

16 сакавіка – дзень беларускай салідарнасці. Актывісты нагадваюць грамадству аб зніклых у нявысветленых абставінах палітыках і грамадскіх дзеячах ды патрабуюць ад улады сумленна расследаваць выпадкі гэтых знікненняў.

За тры дні Х зімовых Паралімпійскіх гульняў у Ванкуверы беларускія спартсмены заваявалі чатыры медалі - залаты і тры бронзавыя.

У Мінску быў збіты беларускі мастак Міхась Карпук. Напад адбыўся днём у Траецкім прадмесці, дзе ўжо больш за дваццаць гадоў знаходзіцца майстэрня мастака.

Аб'яднаныя дэмакратычныя сілы прапаноўваюць усім дэмакратычным суб'ектам правесці тэрміновыя палітычныя кансультацыі. Прадметам перамоў павінна стаць магчымасць адмовы апазіцыі ад далейшага ўдзелу ў мясцовых выбарах.

Адзін з лідэраў Беларускай хрысціянскай дэмакратыі Віталь Рымашэўскі абвергнуў інфармацыю пра магчымае зняццё сваёй кандыдатуры ў кампаніі па выбарах прэзідэнта. Палітык адзначыў, што ён гатовы вылучацца ў якасці адзінага кандыдата ад правацэнтрысцкіх сілаў і ісці да канца.

Сёння апошні дзень рэгістрацыі для дэмакратычных кандыдатаў у дэпутаты мясцовых саветаў. На Гродзеншчыне іх колькасць мізэрная.

Беларускія праваабаронцы выявілі заклапочанасць тым фактам, што ў новай рэзалюцыі Еўрапарламента па Беларусі, прынятай 10 сакавіка, знікла патрабаванне аб скасаванні артыкула 193-1, што прадугледжвае крымінальную адказнасць за дзейнасць ад імя незарэгістраванай арганізацыі.

Суд Ленінскага раёна Гродна вынес рашэнне, згодна з якім незалежны журналіст Алесь Дзянісаў пакараны штрафам у памеры 70 тысяч беларускіх рублёў.

22 сакавіка 1864 году расейскія карнікі забілі нашага нацыянальнага героя, кіраўніка нацыянальна-вызвольнага паўстаньня ў Беларусі і Літве Кастуся Каліноўскага. Беларуская Нацыянальная Памяць і Таварыства Беларускай Культуры ў Літве ладзяць Дзень Памяці Кастуся Каліноўскага.

14 сакавіка ў Брэскім абласным грамадска-культурным цэнтры прайшоў 12 абласны конкурс маладых мадэльераў і дызайнераў „Стыль 2010”.

Беларусь павялічыць здабычу нафты ў Венесуэле да 20 тыс. барэляў у суткі. Пра такія магчымасці паведаміў прэзідэнт Венесуэлы Уга Чавес на сустрэчы з членамі беларускай дэлегацыі - удзельнікамі пасяджэння Беларуска-венесуэльскай сумеснай камісіі па гандлёва-эканамічнаму супрацоўніцтву.

15 сакавіка 1994 года дэпутаты Вярхоўнага Савета XII склікання прынялі першы ў гісторыі асноўны закон суверэннай Беларусі – канстытуцыю.

На 24 сакавіка запланаваная сустрэча ў Еўрапарламенце 5 спікераў парламентаў запрошаных да праграмы „Усходняе партнёрства” (Еўранест) – Малдовы, Грузіі, Украіны, Арменіі і Азербайджана.