Гэта рубрыка ў RSS
Журналіст Барыс Гарэцкі, які супрацоўнічае з радыё “Рацыя” і які быў сёння затрыманы на адной з мінскіх кватэр КДБ, выйшаў на сувязь. Ён распавёў, што ператрус у гэтай кватэры, якую здымае адзін з супрацоўнікаў нашага радыё, праводзілі шасцёра супрацоўнікаў Камітэту дзяржбяспекі.
Яны канфіскавалі ўсе камп’ютэры і гуказапісваючую тэхніку, паведаміўшы, што праводзяць аперацыю ў межах “справы аб мульціках”, па якой следчыя КДБ актывізавалі свае дезянні. Гэтая справа была заведзеная яшчэ ў 2005 годзе на актывістаў арганізацыі “Трэці шлях”, якая вырабляла флэш-мультфільмы палітычнага зместу, у тым ліку пра прэзідэнта Беларусі.
Спецслужбоўцы, што чынілі ператрус, паказалі адпаведную пастанову. Зрэшты, гэта можа быць толькі нагодай для рэпрэсій супраць незалежных журналістаў.
Разам з тэхнікай радыё “Рацыя” у КДБ забралі журналістку Юлію Коцкую, якая была затрымана разам з Барысам Гарэцкім. Таксама там быў затырманы і журналіст БелаПАН Аляксандр Янусік, які прыехаў на месца падзеяў для высвятлення акалічнасцяў. Яго адпусцілі. Вольны і Барыс Гарэцкі.
