Пачаўся этап вылучэння кандыдатаў у дэпутаты

У Беларусі пачаўся адзін з найважнейшых этапаў выбарчай кампаніі па выбарах дэпутатаў у Палату прадстаўнікоў – ніжнюю палату парламента краіны. З сённяшняга дня па 18 жніўня ў рэспубліцы будзе праходзіць вылучэнне кандыдатаў у дэпутаты.

Паводле беларускага заканадаўства, высоўваць прэтэндэнтаў на дэпутацкія мандаты маюць права палітычныя партыі, працоўныя калектывы, а таксама грамадзяне шляхам збору подпісаў. Кандыдатам у дэпутаты парламента можа быць толькі грамадзянін Рэспублікі Беларусь, які дасягнуў 21-гадовага ўзросту, які не мае судзімасці і стала пражывае на тэрыторыі краіны.

Па прагнозе старшыні Цэнтрвыбаркама рэспублікі Лідзіі Ермошынай, на кожны дэпутацкі мандат будуць прэтэндаваць у сярэднім па 6 кандыдатаў.

Радыё Рацыя.