Гэта рубрыка ў RSSГродзенскія ўлады вынайшлі новы спосаб папаўнення мясцовага бюджэта. Упраўленне архітэктуры і будаўніцтва гарвыканкама праводзіць чарговую пашпартызацыю вонкавай рэкламы на фасадах будынкаў, аплату якой ажыццяўляюць яе гаспадары.
Чарговую пашпартызацыю павінны прайсьці тыя бізнэсоўцы і прадпрыемствы, якія атрымалі пашпарты на вонкавую рэкламу да 1 студзеня 2008 года. Кошт афармлення дакумантаў складае ў сярэднім 200 даляраў і залежыць ад памераў рэкламных надпісаў. Інфармацыю аб пазачарговай пашпартызацыі падцвердзілі ва упраўлення архітэктуры гродзенскага гарвыканкама: чынавенства не бачыць у падзеі нічога дзіўнага, а зняццё дадатковых сродкаў з камерцыйных прадпрыемстваў лічыць справай дзяржаўнай.
Па новых правілах, пашпартызацыю вымушаны праходзіць толькі камерцыйныя прадпрыемствы і індывідуальныя прадпрымальнікі, чыя рэклама накіравана на атрыманне прыбытку. Такія прыкладам установы, як чырвоны крыж ці фонд міру за вонкавую рэкламу дзяржаве не плоцяць.Яшчэ адна праблема, якая паўстае перад гарадзенскімі бізнэсоўцамі -доўгачасовы тэрмін афармлення дакумантаў у сувязі з вялікай колькасьцю жадаючых як мага хутчэй атрымаць новыя дазволы на вонкавую рэкламу.
Радыё Рацыя
