Гэта рубрыка ў RSSАкторы Купалаўскага тэатру у сераду былі вельмі здзіўленыя, калі прыйшлі на рэпетыцыю.
Аляксандраўскі сквер, дзе месціцца самы вядомы беларускі тэатр, быў з раніцы ачэплены супрацоўнікі спецслужбаў у цывільным. У сквер, не пускалі не толькі мінакоў, але і супрацоўнікаў Куралаўскага тэатру, якія прыйшлі на працу. На ўсе патрабаванні дазволіць прайсці на працоўныя месцы прадстаўнікі спецслужбаў катэгарычна заўлялі, што гэта можна будзе зрабіць толькі пасля 15.00.
Справа ў тым, што побач з тэатрам знаходзіцца будынак Адміністрацыі прэзідэнта, дзе сёння Аляксандр Лукашэнка мае намер сустрэцца з Уга Чавесам.
Увогуле візіт лідэра Венесуэлы суправаджаецца беспрэцэдентнымі мерамі бяспекі. У прыватнасці, абмежаваны рух транспарту па вуліцам Захарава і Першамайскай, што злучаюцца са скверам Сымона Белівара, які мае намер наведаць Уга Чавес.
Больш за тое, жыхарам дамоў па вуліцы Захарава і Першамайскай у Мінску загадана ад 12 да 13 гадзінаў зачыніць усе вокны.
Пра гэта гаворыцца ў распаўсюджанай сярод жыхароў аб’яве.
«У мэтах вашай бяспекі выхад на пераходны балкон з ліфтавой на пажарную лесвіцу строга забаронены», - гаворыцца ў аб'яве.
Кастусь Вансяцкі, Радыё Рацыя, Мінск
