Гэта рубрыка ў RSSВа ўчарашнім чвэрцьфінале на Еўра-2008 зборная Турцыя перамагла Харватыю толькі ў серыі пенальці.
Асноўны час гульні завяршыўся з лікам 0:0. На пераапошняй хвіліне дадатковага часу Класніч, здавалася, вывеў харвацкую зборную ў паўфінал, але літаральна за некалькі секунд да канца Семіх лік зраўняў.
Пенальці харваты выканалі вельмі дрэнна – два ўдары міма, адзін парыраваў турэцкі варатар-ветэран Рушцю. Туркі не прамахваліся.
У паўфінале Турцыя згуляе з Германіяй. Пасля перамогі над харватамі галоўны трэнер зборнай турцыі Фаціх Церым заявіў, што іх мэта – фінал, а лідэр каманды Ніхат сказаў, што туркі чакаюць там іспанцаў, якія заўтра гуляюць у чвэрцьфінальным матчы з чэмпіёнамі свету італьянцамі.
А сёння не менш цікавы трэці чвэрцьфінал: гуляюць Галандыя і Расія.
