Гэта рубрыка ў RSSТакая паўфінальная пара на Еўра-2008 стварылася пасля ўчарашняй перамогі іспанцаў над італьянцамі ў чвэрцьфінале.
Гульня атрымалася цягамотнай – на нізкіх хуткасцях і з мінімумам вострых момантаў каля варот. 0:0 - у асноўны і дадатковы час, а пенальці лепш прабілі футбалісты зборнай Іспаніі.
Варатар іспанцаў Касільяс, які адбіў два пенальці, пасля матча заявіў, што нарэшце фартуна павярнулася да яго каманды тварам на топ-турнірах.
26 чэрвеня Іспанія праверыць яе яшчэ раз у паўфінале супраць Расіі. Каманды ўжо сустракаліся на гэтым чэмпіянаце ў першым туры групавой стадыі. Тады іспанцы разграмілі расіян з лікам 4:1. Так што, гэта будзе і матч-рэванш, і гульня за выхад у фінал Еўра-2008.
