Гэта рубрыка ў RSS18—20 ліпеня на адкрытых кортах мінскага Палаца тэніса пройдзе матч першага раунда плей-оф 1-й групы Еўра-афрыканскай зоны Кубка Дэвіса паміж камандамі Беларусі і Польшчы.
Капітан беларускай каманды Дзмітры Татур выставіў на матч Максіма Мірнага (368-мы нумар сусветнага рэйтынгу), Уладзіміра Валчкова (423), Андрэя Каратчэню (751) і Паўла Катлярова (977).
Капітан польскай каманды Радослаў Шыманік прывёз у Мінск Міхала Пжысежнага (414), Ежы Яновіча (681), Марыуша Фірстэнберга і Марціна Маткоўскага (адзіночнага рэйтынгу не маюць, 19-ты парны рэйтынг).
У выніку лёсавання, што прайшло 17 ліпеня ў гарадской ратушы, быў складзены расклад матчу.
18 ліпеня (адзіночныя сустрэчы): Уладзімір Валчкоў — Міхал Пжысежны, Максім Мірны — Ежы Яновіч.
19 ліпеня (парная гульня): Максім Мірны/Уладзімір Валчкоў — Марыуш Фірстэнберг/Марцін Маткоўскі.
20 ліпеня (адзіночныя сустрэчы): Максім Мірны — Міхал Пжысежны, Уладзімір Валчкоў — Ежы Яновіч, паведамляе БелаПАН.
