Моладзь Вільні салідарна з Беларуссю

Адразу дзве акцыі салідарнасьці прайшло 16 ліпеня ў сталіцы Літвы – Вільні.

А 15 гадзіне, прыкладна 20 актывістаў зь маладзёвых арганізацый Малады Фронт, “StudAlliance”, БУНТ, ды і простыя маладзёны сабраліся каля будынку беларускай амбасады ў Літве.

Акцыя была распачата пэрфомансам. Мінакам было прадэманстравана, як у Беларусі праводзяцца “апэратыўныя дзеянні” і лозунгі на плакатах былі наступныя: “У Вас ёсьць балты і гайкі? Вы п’еце сок? Мы прыйдзем да Вас!”. На падыходах, мінакам раздавалі ўлёткі, у якіх было пазначаны асноўны сэнс акцыі: выкрыццё абсурду прывінтыўных затрыманняў і патрабаванне незалежнага і адкрытага раследвання выбуху ў Мінску 4 ліпеня. Цягам 10 хвілін, пасля настойлівых просьбаў літоўскай аховы і паліцыі, пэрфоманс быў згорнуты, але на гэтым дзеяньне не скончылася і маладафронтавец Кірыл Атаманчык перадаў у беларускую амбасаду афіцыйную заяву, у якой казалася пра заклапочанасць моладзі ў сувязі з тым, што выбух выкарыстоўваецца, як негалосны загад для распачынання рэпрэсій супраць дэмакратычнай апазыцыі ў Беларусі. Дадзеную заяву прынялі супрацоўнікі амбасады.

На гэтым, акцыя салідарнасці ў Вільні не скончылася. Увечары, у цэнтры Вільні, прадстаўнікі Маладога Фронту і беларускі студэнты правялі яшчэ адну акцыю, якая была накіравана на інфармаванне жыхароў літоўскай сталіцы з тым, які пераслед адбываецца на сёняшні дзень ў розных рэгіёнах Беларусі. Дзесяткі свечак, а таксама бел-чырвона-белыя сцягі і транспаранты на розных мовах былі добра бачны за некалькі соцен мэтраў на падыходах да гэтага месца. У другой акцыі ўдзельнічала некалькі дзесяткаў чалавек.

Распавядае ўдзельнік абедзвух акцый, маладафронтавец Кірыл Атаманчык:

- Сёняшні дзень паказаў, што моладзь, нават па-за межамі сваёй краіны не застаецца ў баку ад беларускіх праблемаў. Той факт, што прадстаўнікі дыпляматычнай місіі Беларусі ў Літве адгукнуліся на маё патрабаваньне і выйшлі зь амбасады, сьведчыць аб тым, што ўлады бачаць рашучасьць у гэтых дзеяньнях і таму проста не могуць іх кантраляваць, а таму зь імі прыходзіцца лічыцца. Акцыя, якая адбылася ўвечары паказала, што абсалютная большасьць нашых суседзяў, літоўцаў, заклапочаны нашымі праблемамі і шчыра нас падтрымлівацюць, што робіць салідарнасьць яшчэ мацней, дзякуючы такой падтрымкі зь боку нашых бліжэйшых суседзяў.

Радыё  Рацыя