Гэта рубрыка ў RSSТрагедыя здарылася на хутары Токары пад Бабруйскам у суботу а 15:35. На вачах у лётчыка‑курсанта, інструктара, мясцовых жыхароў і пастухоў упаў і загарэўся самалёт «Вільга‑35А». Пілот загінуў.
Гэты аднаматорны чатырохмесцавы самалёт быў выпушчаны ў Польшчы ў 1984 годзе. Ён належыў тутэйшаму аэраклубу «Бабруйчанін», які займаўся падрыхтоўкай лётчыкаў.
У гэты дзень, як звычайна, курсанты адпрацоўвалі навыкі пілатавання на планэрах. Адзін з іх прызямліўся ля Токараў і інструктар выклікаў з дыспэтчарскай аэрадрому самалёт, каб той адбукcіраваў безматорны лятальны апарат назад на пляцоўку.
Самалёт «Вільга», кіраваны спрактыкаваным пілотам, які 13 гадоў адслужыў у войску і 3 гады паспяхова буксіраваў планэры ў аэраклубе, падчас развароту над хутарам раптам стаў рэзка зніжацца, урэзаўся ў зямлю між хатамі і загарэўся.
На шчасце, на хутары, ніхто не пацярпеў.
У аэраклубе сытуацыю пакуль не камэнтуюць, адно зазначаюць, што лётчык садзіў самалёты такога тыпу паўтары тысячы разоў.
Магілёўская транспартная пракуратура праводзіць праверку, паведамляе Наша Ніва.
