Гэта рубрыка ў RSSКаля 100 настаўнікам польскай мовы не дазволілі прыехаць у Гродна на канцэрт, арганізаваны Саюзам палякаў на чале з Анджалікай Борыс.
У Гродна 11 кастрычніка зьбіралі настаўнікаў польскай мовы з вобласці, а таксама зь некаторых іншых гарадоў краіны, паведамляе “Радыё Свабода”.
З гэтай нагоды адбылася імша ў Брыгіцкім касьцёле і афіцыйная частка ў рэстарацыі “Гродна”, дзе ўручалі дыплёмы, а затым быў канцэрт. Мерапрыемства арганізавалі генеральнае консульства Польшчы у Гродна, грамадзкая арганізацыя “Мацеж школьна” і Саюзу палякаў на чале з А.Борыс.
Як паведаміў Юзаф Пажэцкі, намесьнік старшыні Саюза палякаў Беларусі, запрашалі больш за дзьвесьце настаўнікаў, але прысутнічала толькі прыблізна палова. Ён патлумачыў, што некаторым зь іх не дазволілі паехаць, для іншых зрабілі ў гэты дзень мерапрыемствы, напрыклад, мэтадычную канфэрэнцыю ў школе з польскай мовай навучання ў Гродна і нават экскурсію на Аўгустоўскі канал, паведамляе Хартыя-97
