Гэта рубрыка ў RSSГенеральная пракуратура Беларусі накіравала ў Генеральную пракуратуру Расіі матэрыялы для экстрадыцыі вінаватага ў ДТЗ на трасе Мінск - Мікашэвічы 2 сакавіка 2008 года Рамана Менцюка.
Аб гэтым начальнік упраўлення па нагляду за працэсуальнай дзейнасцю органаў унутраных спраў Генпракуратуры Беларусі Валерый Кавальчук паведаміў на прэс-канферэнцыі сёння ў Мінску.
"Матэрыялы па экстрадыцыі Менцюка накіраваны ў Генпракуратуру Расіі. Працэс экстрадыцыі гэтай асобы пачаўся", - сказаў ён.
У той жа час Валерый Кавальчук адзначыў, што ва ўзаемаадносінах з шэрагам краін, у тым ліку з Расіяй, Украінай, узнікаюць пэўныя перашкоды ў правядзенні экстрадыцыі. Так, калі ў Беларусі рашэнне аб экстрадыцыі прымае Генпракуратура, то запытаная асоба неадкладна выдаецца беларускім бокам. У Расіі ж асоба, у адносінах да якой Генпракуратура гэтай краіны прыняла рашэнне аб экстрадыцыі, мае права абскардзіць яго ў судовым парадку. Часта менавіта гэта з'яўляецца прычынай таго, што пытанне аб экстрадыцыі вырашаецца доўгі час, паведамляе БЕЛТА
