Амаль 400 імёнаў загінуўшых чырвонаармейцаў удалося ўстанавіць у Гродне

Імёны 396 загінуўшых чырвонаармейцаў удалося ўстанавіць па выніках раскопак на тэрыторыі ваеннай часці ў Гродне. Аб гэтым карэспандэнту БЕЛТА паведамілі ва ўпраўленні па ўвекавечанню памяці абаронцаў Айчыны і ахвяр войнаў Міністэрства абароны Беларусі.

У Гродне ў ваенным гарадку Фолюш на тэрыторыі воінскай часці пры падвядзенні камунікацый да кантрольна-прапускнога пункта экскаватар выцягнуў на паверхню чалавечыя астанкі. У выніку пошукавай работы былі выяўлены астанкі 1333 чалавек. Усе яны былі ваеннаслужачымі Рабоча-сялянскай Чырвонай Арміі і загінулі ў палоне ў 1941-1942 гадах.

Было знойдзе 50 медальёнаў. Многія з іх згнілі. Акрамя таго, савецкія салдаты наіўна лічылі, што калі пенал, дзе павінна захоўвацца папера з данымі на ваеннаслужачага насіць пустым, то гэта дапаможа пазбегнуць смерці. У канцы 1942 года медальёны адмянілі і ўвялі чырвонаармейскія кніжкі, якія наогул не захоўваліся.

Па базе Цэнтральнага архіва Міністэрства абароны Расіі было ўстаноўлена, што на месцы пахавання размяшчаўся лагер для ваеннапалонных радавога і сяржанцкага складу нумар 324.

Абласному і гарадскому ваенным камісарыятам пастаўлена задача арганізаваць далейшую работу па ўстанаўленню асоб загінуўшых чырвонаармейцаў.

У Мінабароны адзначылі, што побач з месцам раскопак знаходзіцца дарога і пляц, пад якім могуць быць іншыя астанкі. Калі мясцовыя ўлады прымуць рашэнне, то ваенныя маюць намер праводзіць далейшыя раскопкі, паведамляе БЕЛТА