Гэта рубрыка ў RSSСёння ў школе №4 адбылася сустрэча жыхароў шэрагу дамоў па вуліцы Карла Маркса і аднаго па Валадарскага, якіх мінскія ўлады ў сувязі з рэканструкцыяй гэтага месца ў цэнтры сталіцы, хочуць перасяліць на ўскраіну, з кіраўніцтвам Ленінскага раёна.
Да пратэстуючых людзей прыйшоў намеснік кіраўніка адміністрацыі раёна Аляксандр Красоўскі. Ён заявіў, што рэканструкцыя толькі яшчэ ў канцэпцыі. Але жыхары Карла Маркса паказалі яму дакументы з планамі канкрэтных работ. Прысутнічаў на сустрэчы, якая прайшла ў напружанай атмасферы – з крыкамі і перабіваннямі, і аўтар праекта рэканструкцыі спадар Рыбнікаў.
Вынік сходу – стварэнне ініцыятыўнай групы пратэстоўцаў, якая на наступным сустрэчы правядзе першую сустрэчу з чыноўнікамі Мінгарвыканкаму.
Вадзім ДОЎНАР
