Гэта рубрыка ў RSSПра гэта «Народнай газеце» паведамілі ў сталічнай падаткавай інспэкцыі.
«Калі б людзі займаліся такім бізнэсам сыстэматычна, гэта была б незаконная прадпрымальніцкая дзейнасьць, але матчы, якія карыстаюцца попытам у беларускіх заўзятараў, праходзяць у Менску вельмі рэдка. Падставай затрымліваць чалавека, які перапрадае білеты, скажам раз на год, у нас няма. Раптам ён купіў квіткі для сваіх сяброў, а яны не прыйшлі на матч? Дый перапродаж білетаў не зьяўляецца зарэгістраваным відам дзейнасьці. Лепш хай міліцыя падумае, адкуль перакупшчыкі бяруць столькі білета…»
«Народная газета» падкрэсьлівае, што на першы ў Беларусі матч Лігі чэмпіёнаў некаторыя набывалі па 150 — 200 білетаў «нібыта для сябе, сваякоў і сяброў».
Білеты на матч БАТЭ — Ювэнтус, што пройдзе ў Мінску 30 верасня, паступілі ў продаж у сталіцы 16 верасня і скончыліся на наступныя суткі.
У продаж у сталіцы паступіла крыху больш за восем тысяч квіткоў, рэшта была прададзена ў Барысаве, а таксама распаўсюджана праз арганізацыю «АБФФ‑Падарожжа» і прадпрыемствы.
Каля чатырох тысяч месцаў зарэзэрваваныя за супрацоўнікамі міліцыі, васемсот месцаў не паступілі ў касы праз абмежаваную бачнасць стадыёну, 824 білеты былі перададзеныя італьянцам, паводле Народнай газеты
