Ніколі не забудуць

Некалькі тысячаў жыхароў Босьніі і Герцагавіны ў пятніцу ўзялі ўдзел у цырымоніі ў горадзе Срэбраніца ў памяць пра 8 тыс. мусульман, забітых у 1995 г.

У гэты ж дзень былі перапахаваныя рэшткі больш чым 300 чалавек.

Забойства мусульманскіх жыхароў Срэбраніцы — пераважна мужчын і падлеткаў — названа Міжнародным трыбуналам ААН па былой Югаславіі актам генацыду.

Здзейснілі злачынства ўзброеныя атрады баснійскіх сербаў.

У чацвер суд у Гаазе прыняў рашэнне, згодна з якім галандзкі кантынгент міратворчых сілаў ААН, што знаходзіўся ў той час у Срэбраніцы, не падлягае пераследу ў судовым парадку за гэтыя забойствы.

Тым часам, арганізацыя «Маці Срэбраніцы», якая прадстаўляе больш за 6 тыс. чалавек, што выжылі ў ваенную кампанію супраць баснійскіх мусульманаў, мяркуюць, што міратворцы ААН ня выканалі задачы па гарантаванні бяспекі цывільнага насельніцтва Срэбраніцы.

Суд пастановіў, што ня мае паўнамоцтваў разглядаць пазоў у дачыненьні да ААН, якая, згодна са сваім Статутам, абаронена ад судовага пераследу.

Пры гэтым пазоў супраць ураду Нідэрландаў можа быць разгледжаны, паведамляе Наша Ніва.