Гэта рубрыка ў RSSЗ 1 кастрычніка Беларускае грамадскае аб'яднанне Чырвонага Крыжа праводзіць штогадовую месячную рэспубліканскую дабрачынную акцыю "Клопат", прымеркаваную да Міжнароднага дня пажылых людзей.
Мэта акцыі — прыцягнуць увагу грамадскасці да праблем пажылых людзей, дапамагчы ў падрыхтоўцы да зімы адзінокім пажылым людзям, ветэранам вайны, інвалідам і прыкаваным да пасцелі хворым.
Як распавёў Рацыі Генеральны сакратар ГА Беларускага таварыства Чырвонага Крыжа Віктар Калбанаў, падчас акцый будуць арганізаваныя збор і перадача малазабяспечаным грамадзянам цёплай вопраткі, сродкаў асабістай гігіены, вырабаў медыцынскага прызначэння, харчовых тавараў, а таксама палепшана ацяпленне жылых памяшканняў .
Акрамя гэтага ў межах акцыі медыцынскія сёстры міласэрднасці БЧК наведаюць сваіх падапечных па месцы пражывання альбо прымуць іх у адмысловых цэнтрах медыка-сацыяльнай дапамогі і павіншуюць са святам.
Ігар Олін, Радыё Рацыя, Мінск.
