Гэта рубрыка ў RSSПершыя ініцыятыўныя групы, прадстаўнікі якіх будуць збіраць подпісы за дэмакратычных кандыдатаў у дэпутаты, зарэгістраваныя ў Гродна.
Праз некалькі дзён, пасля атрымання пасведчанняў распачнецца адзін з галоўных этапаў выбарчай кампаніі - праца па збору подпісаў грамадзян.
Выбарчая камісія Гродзенскай Занёманскай акругі №49 зарэгістравала ініцыятыўныя групы кіраўніка гарадзской суполкі партыі БНФ Вадзіма Саранчукова, былога палітвязні Аляксандра Васільева і дэмакратычнага актывіста Сяргея Кузьмянка.
Прычым, рэгістрацыя адбылася на наступны дзень пасля падачы дакумантаў.
Акрамя трох незалежных прадстаўнікоў па Гродзенскай Занёманскай выбарчай акрузе №49 будуць збіраць подпісы ў сваю падтрымку і кандыдаты ад улады і праўладных грамадскіх аб’яднанняў, а таксама прадстаўнікі партыі беларуская сацыял-дэмакратычная грамада.
Пакуль мясцовая улада не звяртае ўвагі на дэмакратычныя прынцыпы правядзення выбараў, якія дэкларуе кіраўніцтва краіны: са 169 сяброў па 13 выбарчых акругах вобласьці толькі 2 прадстаўнікі апазыцыйных партый увайшлі ў склад акруговых камісій.
Радыё Рацыя
