Гэта рубрыка ў RSS Магілёўцы ўзялі трэцюю прэмію - грошы, якія яны зьбіраюцца выдаткаваць на майстраванне свайго будучага альбому.
Лідэр Глюкаў Раман Жыгароў распавёў РАЦЫІ, што ў цэлым фэстываль пакінуў станоўчыя ўражаньні. У першы дзень было малавата народу і усё праходзіла крыху вяла, другі дзень спадабаўся больш.
Жыгароў ня мае прэтэнзіяў да судзейства. Ён лічыць, што ў кожнага проста свой густ, таму разважаць, наколькі правільна ўсё было вырашана не выпадае. У магілёўскіх панкаў больш за ўсё ўражаньняў выклікаў менскі ШПІТАЛЬ. Глюкі ацэньваюць яго як "вельмі прыкольную сумесь Depesh Mode, Агаты Крысьці й 8-бітнага дыска".
Таксама Раман Жыгароў падзяліўся з РАЦЫЯЙ планамі групы выпусціць у верасні гэтага году новы альбом. Кружэлка будзе мець назву "Ідыятызм" і зьмяшчаць 11 трэкаў. У запісы песень, акрамя саміх ГЛЮКАЎ узялі ўдзел музыкі з MAUZERa, Green CHe, Nevmy і Памідор/офф. Майстраваньне будучага альбому Глюкі зьбіраюцца зрабіць на адной з эўрапескіх студыяў.
Ян Маўзэр, Радыё Рацыя, Магілёў
