Каго з патэнцыйных кандыдатаў у прэзідэнты ведае шараговы выбаршчык?
Старшыня Цэнтрвыбаркаму Беларусі Лідзія Ярмошына паведаміла, што прэзідэнцкія выбары ў краіне пройдуць хутчэй за ўсё 11-га кастрычніка. За чатыры месяцы да выбараў «Наша Ніва» апытала менчукоў ды жыхароў вёскі Наваселле, каго з патэнцыйных кандыдатаў яны ведаюць і як збіраюцца галасаваць:
– Адзін толькі ў нас кандыдат – Лукашэнка.
– Абсалютна не ведаю, не інфармуюць.
– На жаль, нас вельмі кепска інфармуюць. Дзе я магу пабачыць. Зараз ужо можна праводзіць агітацыю. Нейкія партрэты павінны быць. Раней яны заўсёды былі паўсюль. У нас можна пабачыць гэтыя партрэты толькі ў дзень выбараў.
– Я Лукашэнку прапаноўваю. Толькі Лукашэнку. Я ведаю, пакуль будзе Лукашэнка, у нас не будзе вайны, у нас будзе ўсё ў парадку.
– Толькі Лукашэнку я ведаю, не ведаю нікога іншага.
– Калі хтосьці прагаласуе супраць Лукашэнкі, буду біцца ўласнаручна. Гаспадар. Дзякуй яму. Калі што-небудзь у яго і не так, то апазіцыя яму можа падказаць, можа па-чалавечы накіраваць яго, калі недзе не так, калі недзе ёсць злодзей.
Свой намер удзельнічаць у прэзідэнцкай гонцы выказалі, акрамя дзеючага кіраўніка Беларусі, сярод іншых: прадстаўніца кампаніі „Гавары праўду!” і „Народнага рэферэндуму” Таццяна Караткевіч, старшыня Аб’яднанай грамадзянскай партыі Анатоль Лябедзька, кіраўнік партыі левых „Справядлівы свет” Сяргей Калякін, лідар ЛДПБ Сяргей Гайдукевіч ды кандыдат ад „дармаедаў” Юрый Шульган.
Беларускае Радыё Рацыя
Глядзіце таксама
