У Варшаве пройдзе пікет салідарнасці з палітвязнямі
Пікет, які прымеркаваны да Міжнароднага дня салідарнасці з грамадзянскай супольнасцю Беларусі, пройдзе ў цэнтры польскай сталіцы на Кракаўскім прадмесці 2 жніўня з 16 да 18 гадзіны, паведаміў дырэктар Беларускага дома ў Варшаве Зміцер Бародка:
– Заўтра адбудзецца пікет у абарону палітвязняў Беларусі. Пікет адбудзецца каля сквера Яна Твардоўскага на Кракоўскім прадмесці. У гэтым месцы акурат праходзіць выстава Belarus Press Photo, вельмі шмат людзей звяртае на гэта ўвагу, таму мы вырашылі менавіта на гэтым месцы. Мы будзем распаўсюджваць улёткі, нагадваць палякам, а таксама замежнікам пра тое, што зараз адбываецца ў Беларусі.
У межах дзён салідарнасці, якія пачынаюцца 2 жніўня ў польскай сталіцы, таксама пройдзе дыскусія „Беларусь – незамкнутая справа (15 год пасля палітычных знікненняў)”. Таксама адбудуцца канцэрты і прагляды беларускіх фільмаў. Сярод іншага, адбудзецца прагляд фільма „Звычайны прэзідэнт” і сустрэча з яго рэжысёрам Юрыем Хашчавацкім.
Дзень салідарнасці з грамадзянскай супольнасцю Беларусі 4 жніўня быў абвешчаны міжнароднай праваабарончай супольнасцю 3 гады таму, у дзень арышту старшыні праваабарончага цэнтра „Вясна” Алеся Бяляцкага.
Праграма мерапрыемстваў:
28 ліпеня – 5 жніўня
Фотавыстава „Беларусь Press Photo” (skwer im. ks. Jana Twardowskiego przy Krakowskim Przedmieściu).
2 жніўня
16.00-18.00
Пікет у абарону палітвязняў у Беларусі (skwer im. ks. Jana Twardowskiego przy Krakowskim Przedmieściu).
18.00-20.00
Паказ фільма „Звычайны прэзідэнт”, спатканне з рэжысёрам Юрыем Хашчавацкім
Адкрытая дыскусія:
«20 гадоў кіравання прэзідэнта Лукашэнкі. Як пабудаваць грамадзянскую супольнасць у аўтарытарнай дзяржаве? ” (Faktyczny Dom Kultury, ul. Gałczyńskiego 12 (przejście z ul. Nowy Świat przez bramę nr 48)
3 жніўня
12.00-17.00
Беларускіe майстэрні для ўсіх „МАТАНКІ, ЦАЦАНКІ, САЛОМКА” (Klub 1500m2, ul. Solec 18/20)
12.00 – 16.00
Польска-беларуска роспісы на warszawskiej Pradze. Беларускія і польскія мастакі ствараюць графіці на фасадзе дома. Відэа курсавой працы (Klub 1500m2, ul. Solec 18/20).
12.00 – 21.00
Праект DemoLuka. (Projekt DemoLuka. Ksenia Kaniewska /PL i Olia Gorohova /BY (Klub 1500m2 , ul. Solec 18/20).
12.00 – 17.00
Экскурсія па Варшаве шляхам беларускіх слядоў (Klub 1500m2, ul. Solec 18/20)
14.00 – 16.30
Марафон „The Best of Bulba” – паказ беларускіх фільмаў ўзнагароджаных на фестывалі Bulbamovie (Klub 1500m2, ul. Solec 18/20)
17.00 – 19:00
Дэбаты „Культура свабоды, свабода культуры». Размова аб незалежнай культуры ў Беларусі і Польшчы
19.00 – 21.00
Канцэрт беларускай групы RECHА (Klub 1500m2, ul. Solec 18/20)
4 жніўня
12.00 – 16.00
Марафон напісання картак да палітычных зняволеных у Беларусі (Dom Białoruski, ul. Wiejska 13/3)
19.00 – 21.00
Паказ мастацкага фільму «ЖЫВЕ БЕЛАРУСЬ» (Kino Praha, ul. Jagiellońska 26)
Валянціна Лаеўская, Беларускае Радыё Рацыя
