Гародню наведаў Андрэй Хадановіч
Творчая сустрэча беларускага паэта і барда Андрэя Хадановіча адбылася ў Гародні.
Старшыня беларускага ПЭН-цэнтру прэзентаваў дэбютную кнігу дзіцячых вершаў „Нататкі таткі” і зладзіў паўтарагадзінны канцэрт, на якім больш дэталёва пазнаёміў прысутных як са сваёй уласнай паэзіяй, так і з перакладамі такіх вядомых выканаўцаў, як Леанард Коэн і Яцэк Качмарскі.
Менавіта гэтыя асобы ў творчасці Андрэя Хадановіча з’яўляюцца арыенцірам і узорам майстэрства паэтычнага слова, пакладзенага на музыку:
– Паспрабуйце на паперцы вачыма чытаць любімыя песні “Бітлз”і вы зразумееце, што тэкст страчвае без музыкі атмасферу спявання. Коін абсалютна не страчвае, але разам з тым ён і спявак і цудоўны музыка і проста ёсць спакуса надаць яму беларускі нейкі голас.
Сустрэча гарадзенцаў з Андрэем Хадановічам адбылася ў памяшканні культурна-гандлёвай пляцоўкі „Крама Ц”, якая адкрылася вясной бягучага году. За кароткі час яна стала вядомым у горадзе месцам правядзення адукацыйных і культурніцкіх беларускіх імпрэзаў.
[Not a valid template]
Беларускае Радыё Рацыя, Гародня
