У Чаромсе – спаборніцтвы Балотнай лігі чэмпёнаў па футболе
16 камандаў з усяго свету і тоны гразі на футбольнай пляцоўцы. 25-га ліпеня ў Чаромсе пройдуць спаборніцтвы Балотнай лігі чэмпёнаў па футболе.
Паўдзельнічаць у турніры запрашаюць арганізатары і футбалісты сёлетняга чэмпіёна свету, каманды з Падляшша „Torfowy Dr Tusz”.
Яшчэ ёсць свабодныя месцы ў некаторых камандах.
„Футбол у гразі гэта больш забава, чым сапраўдныя спаборніцтвы, аднак у гэтым спорце абавязваюць правілы гульні”, – кажа арганізатар і сябра каманды „Torfowy Dr Tusz” Мірэк Самосюк.
– Бруд патрапіць у нос, у рот, але нельга нервавацца, трэба ўсміхацца.
Падчас Балотнай лігі чэмпіёнаў у Чаромсе выступяць каманды з Польшчы, Афрыкі а таксама чэмпіён Беларусі. Турнір пройдзе адначасова з фестывалем „З вясковага панадворка” ў Чаромсе.
Беларускае Радыё Рацыя
