„Падляшская актава культур” у Беластоку (абноўлена)
Выступам беларускага танцавальнага калектыва «Лялечкі» з Абухава пачаўся сёлетні фестываль „Падляшская актава культур”. Канцэрт у Беластоку пачынае шасцідзённае падарожжа фалклорных групаў з Балгарыі, Расеі, Украіны, Славаччыны ды Індыі па Падляшшы.
Сёлета „Лялечкі” – гэта адзіны калектыў, які прадстаўляе Беларусь на сцэне фестывалю, кажа яго дырэктар Андрэй Дырдал:
– Па-просту, беларускія калектывы не падаюць заяўкі. У мінулым годзе быў адзін заўлены калектыў, які ўвогуле не прыехаў. Думаю, знойдзем нейкі спосаб, каб калектываў з Беларусі было больш. Тым больш што тут блізка.
Кіраўнік ансамбля танца «Лялечкі» Надзея Іванаўна:
– Гэта адбмысловы тэатр танца. Кожны нумар мае свой тэматычны сюжэт. Дзяўчынкам і хлопчыкам вельмі цікава танцаваць такія танцы, таму што яны самі прымаюць удзел у пастаноўцы гэтых нумароў.
Іван, ансамбль танца «Лялечкі»:
– Мяне завуць Іван. Мне маці прапанавала, каб я пайшоў у гэты калектыў. Мне ў гэтым калектыве падабаецца.
Аляксей, ансамбль танца «Лялечкі»:
– У гэтым ансамбле шмат паездак у розныя краіны – у Польшчу, у Расею.
Сёння канцэрты ў межах Падляшскай актавы культур ў Бельску Падляшскім, Ганёндзу, Моньках, Пунску, Замбраве і на галоўнай сцэне ў Беластоку. Пачатак усіх канцэртаў у 18 гадзін.
[Not a valid template]
Фота Васіля Кроквы.
* * *
Выступам беларускага калектыва «Лялечкі» з Абухава пачынаецца сёння Падляшская актава культур. Гэта міжнародны фестываль музыкі, мастацтваў і фальклору, які праводзіцца восьмы раз. Канцэрт у Беластоку пачынае шасцідзённае падарожжа калектываў з Балгарыі, Расеі, Арменіі, Украіны, Славаччыны ды Індыі па розных мястэчках Падляшскага ваяводства. Дзіцячы калектыў «Лялечкі» прэзентуе высокі мастацкі ўзровень, таму зайграе на інаўгурацыйным канцэрце, кажа дырэктар Ваяводскага асяродка анімацыі культуры Цэзары Мелька.
– Гэта вельмі добры дзіцячы гурт. На Падляшскай актаве выступіць больш за 100 дзяцей ва ўзросце ад 6 да 18 гадоў. Гурт прэзентуе народныя традыцыі і беларускі фальклор. І мы цешымся, што ўжо ад такога малога ўзросту артыстычны пачатак у гэтых дзетках развіваецца, асабліва бачна гэта ў беларускіх гуртах.
Апрача “Лялечак”, на сцэне на рынку Касцюшкі выступяць калектывы “Амабіліс” з Украіны і “Летува” з Літвы. Пачатак канцэрта ў 18 гадзін. Раней з-пад кафедры на рынак пройдзе парад калектываў, якія выступяць на сёлетняй актаве.
Чарговыя канцэрты – у Бельску Падляшскім, Нараўцы, Нурцы-Станцыі, Гарадку і Гайнаўцы.
[Not a valid template]
Фота Лукаша Леанюка.
* * *
Каляровая нацыянальная вопратка, танцы і фолк-музыка – усё гэта можна будзе пабачыць на Міжнародным фестывалі „Падляшская актава культур”.
З аўторка да нядзелі ў 19-ці мясцовасцях ваяводства выступяць музыкі з Беларусі, Балгарыі, Расеі, Арменіі, Украіны, Славаччыны, Індыі ды іншых краін. Перад публікай таксама выступіць беларускі дзіцячы калектыў „Лялечкі” з Абухава.
У межах фестывалю можна будзе навучыцца традыцыйным падляшскім танцам, кажа дырэктар Ваяводскага асяродка анімацыі культуры Цэзары Мялько:
– Будзем заахвочваць жыхароў Беластока і рэгіёна да вывучэння рэгіянальных танцаў. У нядзелю будзем частаваць мінакоў бузай – напоем з Македоніі.
Абодва мерапрыемствы пачынаюцца апоўдні на Рынку Касцюшкі. „Падляшская актава культур” пачнецца 21 ліпеня канцэртам калектываў „Лялечкі” з Беларусі, „Ама-біліс” з Украіны і „Летува” з Літвы. Чарговыя канцэрты пройдуць у Бельску Падляшскім, Нараўцы, Нурцы-Станцыі, Гарадку ды Гайнаўцы.
Лукаш Леанюк, Беларускае Радыё Рацыя
