Прадстаўнікі штабу Таццяны Караткевіч ўсклалі кветкі ў скверы Свабоды ў Берасці
Прадстаўнікі штабу патэнцыйнага кандыдата ў прэзідэнты ад ініцыятывы “Народны Рэферэндум” , Таццяны Караткевіч, ўсклалі кветкі ў скверы Свабоды ў Берасці.
Так яны адзначылі пачатак святкавання Дня гораду, які прыходзіцца на дату 28 ліпеня.
Гэты дзень прымеркаваны да вызвалення горада Берасця ад захопнікаў у перыяд Вялікай Айчыннай вайны, – пра гэта распавёў палітык Ігар Маслоўскі:
– Гэта нашая штогадовая акцыя, у якой мы прымаем удзел разам з уладамі, грамадскімі арганізацыямі, палітычнымі партыямі, прадстаўнікамі кансулятаў, якія знаходзяцца ў Берасці. Мы ўшаноўваем памяць тых, хто змагаўся і аддаў жыццё за свабоду. Ускладаем кветкі ў месцы з сімвалічнай назвай – сквер Свабоды.
– Сёння таксама у Беларусі ёсць вялікія праблемы са свабодай слова, свабодай СМІ, і нават са свабодай веравызнання, і мы павінны гэта памятаць, – дадаў палітык.
Менавіта таму Дзень горада актывісты пачалі з такой акцыі.
Беларускае Радыё Рацыя, Берасце
Глядзіце таксама
