Выстава прысвечаная Падляшшу ў Берасці
Выстава падляшскага мастака Уладзіслава Петрука пакінула добрае ўраджанне ў наведнікаў і супрацоўнікаў выставачнай залі Берасцейскага абласнога грамадска-культурнага цэнтра.
„Ён пакінуў добрае ўражанне як асоба”, – паведаміла загадчыца выставачнай залі Берасцейскага абласнога грамадска-культурнага цэнтра Кацярына Шаўчэнка:
– Ён беларус, ён прыехаў да нас, яму было цікава размаўляць з намі, ён ганарыцца тым, што ён беларус і неяк адчувалася, што ён вельмі шчаслівы. Ён кажа: “Бывае ж столькі прыемных момантаў”. Каштоўнасць яго прац у тым, што ён захоўвае тое, што сыходзіць.
Выстава графікі і фатаграфіі Падляшша ў Берасці, арганізаваная ў супрацы з Музеем і цэнтрам беларускай культуры ў Гайнаўцы, можна пабачыць да 30-га ліпеня.
„У гэтым годзе прац з Падляшша мы хутчэй ужо не пабачым, але спадзяемся, што такая супраца з асяродкамі беларускай культуры ў Польшчы працягнецца”, – зазначыла Кацярына Шаўчэнка.
Беларускае Радыё Рацыя, Берасце
