Праваслаўныя святкуюць Успенне праведнай Ганны
7 жніўня ў царкоўным календары Дзень Успення праведнай Ганны. На Падляшшы самым важным месцам у гэты дзень з’яўляецца Старакорнін.
Тут праходзяць самыя ўрачыстыя святкаванні ў гонар жанчыны, якая нарадзіла Божую Маці. “Старакорнінская царква – гэта месца, дзе стагоддзямі людзі прыносілі свае малітвы,” – кажа настаяцель айцец Мікалай Маркевіч:
– Хто звяртаецца з малітвай да бацькоў Прасвятой Багародзіцы, тых яны ахоўваюць сваёй благадаццю. Рады, што ў гэты дзень мы збіраемся, што наша вера ад гэтага ўзмацняецца.
Святкаванні пачаліся ўжо ўчора ўвечары. Галоўная святочная літургія ў Старакорніне пачнецца сёння а 10-й гадзіне. Праводзіць службу будзе Мітрапаліт Варшаўскі і ўсёй Польшчы Сава.
[Not a valid template]
Давід Гайко, Беларускае Радыё Рацыя
Фота аўтара
