БАТЭ сустрэнецца з „партызанамі”
У швайцарскім Ньёне прайшло лёсаванне 4-га кваліфікацыйнага раўнду футбольнай Лігі чэмпіёнаў. Па яго выніках стала ведама, што барысаўскі БАТЭ сустрэнецца ў матчах за выхад у асноўны турнір з бялградскім „Партызанам” – чэмпіёнам Сербіі. Першы матч БАТЭ правядзе на сваім полі.
Вось як выглядаюць іншыя пары гэтай стадыі:
Шлях чэмпіёнаў:
„Базэль” (Швайцарыя) – „Макабі” (Тэль-Авіў, Ізрайль)
„Селтык” (Шатляндыя) – „Мальмё” (Швецыя)
„Астана” (Казахстан) – АПАЭЛ (Кіпр)
„Скендэрбеу” (Албанія) – „Дынама” (Заграб, Харватыя)
Шлях прадстаўнікоў лігаў:
„Манчэстар юнайтэд” (Англія) – „Бруге” (Бельгія)
„Лацыё” (Італія) – „Баер” (Леверкузен, Нямеччына)
„Валенсія” (Іспанія) – „Манака” (Францыя)
„Рапід” (Аўстрыя) – „Шахтар” (Украіна)
„Спортынг” (Партугалія) – ЦСКА (Расея)
Cупернікам менскага „Дынама” у плэй-оф Лігі Еўропы стане „Зальцбург” з Аўстрыі.
Беларускае Радыё Рацыя
