Час на адкрыццё нацыянальных скарбаў
Скарбы традыцыйнай культуры дагэтуль не адкрытыя ў Беларусі – адзначыла этнограф, былая выкладчыца Гомельскага дзяржаўнага ўніверсітэта Ірына Бязручка. Рост папулярнасці да нацыянальных строяў і традыцыйнай спадчыны свайго народу – гэта нармальны этап развіцця нацыі, праз які прайшлі ўсе еўрапейскія народы. Гэты этап маюць прайсці і беларусы:
– Калі мы ўспомнім вопыт народаў Балтыі, дзе народная песня і вопратка шмат зрабілі для таго, каб была самаідэнтыфікацыя людзей ад маладых да старых. Калі мы бачым людзей прэзідэнта Украіны Парашэнкі, якія апрануты ў вышыванку ўкраінскую і іншыя элементы іх строяў, то гэта прыгожа і прэстыжна. У нас – не. У нас маленькі Коля апрануты ў еўрапейскі касцюмчык.
Апошнім часам у Беларусі расце цікавасць да элементаў традыцыйнага беларускага адзення. Актыўную дыскусію ў інтэрнэце і беларускіх СМІ выклікаў артыкул беларускага пісьменніка Альгерда Бахарэвіча, які крытыкаваў этнаграфізм маладых беларусаў. Паводле пісьменніка, гэта замінае беларусам будаваць сучасную еўрапейскую нацыю.
Зміцер Косцін, Беларускае Радыё Рацыя
Фота vyshivanka.org
Глядзіце таксама
