Уладзімір Халіп: У новай Беларусі Статкевіч адыграе вялікую ролю
У пяты раз былы кандыдат у прэзідэнты Мікалай Статкевіч сустракае свой дзень народзінаў за кратамі. Мікалаю Статкевічу споўнілася 59 гадоў.
У публіцыста і грамадскага дзеяча Уладзіміра Халіпа дачка Ірына Халіп і зяць Андрэй Саннікаў таксама ў 2010 годзе патрапілі ў няволю за ўдзел у Плошчы.
Паводле Уладзіміра Халіпа, Мікалай Статкевіч працягвае барацьбу:
– Ён сапраўдны мужчына, сапраўдны афіцэр, ён чалавек гонару, ён з тых беларускіх змагароў, якія ў любы час, у любы гістарычны перыяд баранілі сваю краіну, нягледзячы на тое, што яны былі ў меншасці. Гэткіх людзей не перамагаюць, самі яны ніколі не пакідаюць поле боя.
“У беларускай гісторыі былі і Касцюшка, і Каліноўскі, і ўдзельнікі Слуцкга збройнага чыну”, – нагадвае Уладзімір Халіп.
Уладзімір Халіп упэўнены, што час Міколы Статкевіча яшчэ наперадзе.
„Я веру і ведаю, што Беларусь хутка вызваліцца. І ў гэтай новай Беларусі Мікалай Статкевіч яшчэ адыграе вялікую ролю”, – кажа Уладзімір Халіп.
Беларускае Радыё Рацыя
Глядзіце таксама
