У Берасці не дазволілі пікет у падтрымку палітвязняў
Пікет, прысвечаны тэме палітычных зняволеных у Беларусі, забаранілі ў Берасці. Праваабаронца Уладзімір Вялічкін атрымаў афіцыйную адмову ў правядзенні мерапрыемства 10-га жніўня. Прычынай стала святкаванне прадстаўнікамі ўлады ў Парку воінаў-інтэрнацыяналістаў Дня будаўніка. Праваабаронца ўпэўнены, што гэтая прычына – надуманая:
-Я лічу, што падстава для адмовы – надуманая. Прычым такіх надуманых падстаў для адмовы толькі дзве. І калі не спрацоўвае план “А”, – не дастае дакументаў, то спрацаваў план “Б”, – на гэты дзень былі запланаваныя нейкія іншыя мерапрыемствы, і запланаваныя яны былі яшчэ ў мінулым годзе.
Некалькі дзён таму адміністрацыя парку адмовілася заключаць папярэднюю дамову аб правядзенні мерапрыемства з праваабаронцам.
Паводле мясцовага рашэння, каб правесці пікет або шэсце – трэба заключаць і аплочваць дамовы з міліцыяй, хуткай дапамогай, камунальнымі службамі. Аднак на практыцы гэта зрабіць – не заўсёды магчыма.
Беларускае Радыё Рацыя
Фота palitviazni.info
Глядзіце таксама
