Бабруйская «Белшына» – самы беларускі клуб
Грамадская ініцыятыва “Справаводства па-беларуску” працягвае сваю працу ў справе больш шырокага ўжывання беларускай мовы ў айчынным спорце. Найбольшыя поспехі на гэты шляху ў Бабруйскага футбольнага клуба вышэйшай лігі “Белшына”, кажа каардынатар ініцыятывы Ігар Случак:
– Бабруйская «Белшына» – самы беларускамоўны футбольны ды наогул спартовы клуб Беларусі. У іх вельмі добра пастаўлена выкарыстанне беларускай мовы, у іх усе афіцыйныя сеткі беларускамоўныя. Таксама інтэрнэт-трансляцыі матчаў ў іх ідуць па-беларуску, дыктарскае суправаджэнне ідзе па-беларуску, праграмкі, афішы, нават квіткі з запрашэннямі зроблены па-беларуску.
Пасля футбольных і хакейных клубаў Беларусі, лісты з прапановай больш шырока ўжываць беларускую мову атрымалі ад грамадскай ініцыятывы “Справаводства па-беларуску” беларускія гандбольныя і баскетбольныя клубы.
Васіль Кроква, Беларускае Радыё Рацыя
Фота vprognoze.ru
Глядзіце таксама
