20 гадоў у рэжыме змагання
Гомельскія сябры „Беларускай асацыяцыі журналістаў” пачалі адзначаць юбілей сваёй арганізацыі. На ўрачыстым сходзе, які праходзіў у грамадска-палітычным цэнтры па вуліцы Палеская, выступілі заснавальнікі абласной філіі „БАЖ”.
Паводле журналіста Анатоля Гатоўчыца, „БАЖ” стаў адказам на выклікі часу:
– У 1995 годзе 35 чалавек, у тым ліку я быў, заснавалі „Беларускую асацыяцыю журналістаў”. На той час я працаваў у “Народнай газеце”, чаму мы гэта зрабілі, да гэтага я быў у „Саюзе журналістаў СССР” адзінаццаць з лішнім гадоў. „Саюз журналістаў СССР” разваліўся. Тыя стандарты, якія былі ў савецкай журналістыцы, яны не пасавалі для новай Беларусі.
„Беларуская асацыяцыя журналістаў” – грамадскае аб’яднанне, якое аб’ядноўвае супрацоўнікаў СМІ, пазаштатных карэспандэнтаў, журналістаў-фрылансераў.
Беларускае Радыё Рацыя, Гомель
