Вызначыліся усе фіналісты US Open
У фінале US Open Джокавіч сустрэнецца з Федэрэрам. Швейцарац Роджэр Федэрэр у паўфінале US Open перайграў свайго суайчынніка Станісласа Ваўрынку – 6:4, 6:3, 6:1. У іншым паўфінальным матчы серб Новак Джокавіч, лідар сусветнага рэйтынгу, без праблем разабраўся з харватам Марынам Чылічам – 6:0, 6:1, 6:2.
Італьянка Флавія Пенета стала першай фіналісткай US Open-2015. У паўфінальным паядынку 26-я ракетка свету выйграла румынку Сімону Халеп (2 ракетка свету) – 6:1, 6:3. У фінале Пенета згуляе з Рабертай Вінчы, якая ў другім паўфінале US Open нечакана выбіла першы нумар „пасеву” амерыканку Серэну Уільямс 6:2, 4:6, 4:6. Такім чынам, прадстаўніца ЗША не змагла выйграць чацвёрты турнір з серыі „Вялікага шлема” за адзін сезон.
Жаночы фінал адбудзецца 12 верасня. Фінальны паядынак у мужчын пройдзе 13 верасня.
