Стала вядома, колькі зарабляе Лукашэнка
За пяць гадоў месячны заробак Аляксандра Лукашэнкі вырас на 1500 даляраў.
ЦВК апублікаваў інфармацыю пра маёмасць і гадавы прыбытак кандыдатаў у прэзідэнты на выбарах 2015 года.
Дзейны кіраўнік краіны, згодна з гэтымі дадзенымі, за 2014 год зарабіў 552 мільёны рублёў. У гэтую суму ўвайшоў толькі гадавы заробак – іншых крыніц прыбытку ў кіраўніка краіны, калі верыць апублікаванай інфармацыі, не было. Калі падзяліць гэтую суму на 12 месяцаў і перавесці ў даляры, атрымаецца прыкладна 4 тысячы 600 даляраў у месяц.
У 2009 годзе, згодна з дэкларацыяй, пададзенай у ЦВК, кіраўнік краіны штомесяц зарабляў крыху больш за 3 тысячы 100 даляраў.
