Беларусь і ЗША абмяркоўваюць нармалізацыю двухбаковых адносінаў
Магчымасці нармалізацыі і актывізацыі беларуска-амерыканскіх адносінаў абмяркоўваліся 28 верасня на сустрэчы міністра замежных спраў Беларусі Уладзіміра Макея з прадстаўнікамі кіраўніцтва Дзяржаўнага дэпартамента ЗША.
Уладзімір Макей прымае ўдзел у 70-й сесіі Генеральнай Асамблеі ААН у складзе беларускай дэлегацыі на чале з кіраўніком краіны Аляксандрам Лукашэнкам.
Напярэдадні адбыліся сустрэчы і размовы кіраўніка знешнепалітычнага ведамства Беларусі з міністрамі замежных спраў Азербайджана, Грузіі і Чэшскай Рэспублікі. «Бакі абмеркавалі стан і перспектывы двухбаковага супрацоўніцтва, шляхі развіцця гандлёва-эканамічных адносін, адбыўся абмен думкамі па актуальных праблемах сусветнай палітыкі», — праінфармавалі ў прэс-службе МЗС.
На сустрэчы Уладзіміра Макея з Еўракамісарам па Еўрапейскай палітыцы суседства і перагаворах аб пашырэнні ЕС Ёханесам Ханам было прадоўжана пачатае 27 верасня з Федэрыкай Магерыні абмеркаванне магчымасцяў развіцця адносінаў Беларусі з Еўразвязам.
Глядзіце таксама
