У Гародні – «Восень добрых справаў»
Гарадзенскі Дзіцячы хоспіс прапануе далучыцца да акцыі «Восень добрых справаў» усіх гарадзенцаў і гасцей гораду. У межах акцыі ўжо працуе тэлефонная лінія па зборы сродкаў для цяжка і безнадзейна хворых дзетак, а таксама можна набыць рэчы ў некаторых гарадзенскіх крамах, якія адзін працэнт ад продажу пералічваюць на рахунак хоспіса. Гэтая частка акцыі мае назву “Адсотак, які ўратуе жыццё”
Пра Акцыю распавядае дырэктарка гарадзенскага дзіцячага хоспіса Вольга Шульга:
– Кожны жадаючы можа звярнуцца ў адмысловыя крамы і купіць тавар ці набыць нейкую паслугу і 1% ад гэтага будзе ахвяравацца на дапамогу цяжка і безнадзейна хворым дзеткам пад апекай дзіцячага хоспіса.
Да акцыі “Адсотак, які ўратуе жыццё” ужо далучыліся гарадзенскія фірмы таксі, салоны прыгажосці, некалькі крамаў і ІТ – кантораў. Каб дапамагчы дзецям, можна таксама патэлефанаваць на адмысловы нумар, ці адправіць СМС-ку ці пералічыць грошы на адмысловы рахунак хоспіса ў “Альфа-Банку”.
Беларускае Радыё Рацыя, Гародня
Фота 015.by
