Прэзідэнты Беларусі і Украіны абмеркавалі бар’еры ва ўзаемным гандлі
Аляксандар Лукашэнка і прэзідэнт Украіны Пятро Парашэнка абмеркавалі перашкоды ва ўзаемным гандлі. Адбылася тэлефонная размова кіраўнікоў Украіны і Беларусі.Як паведамляе прэсавая служба кіраўніка ўкраінскай дзяржавы,«суразмоўцы абмеркавалі сумесныя намаганні для наладжвання міжнароднага дыялогу для вырашэння гуманітарных пытанняў, а таксама абмеркавалі шырокі спектар двухбаковых адносін, у прыватнасці зняцце штучных бар’ераў у гандлі паміж Беларуссю і Украінай».
З 19 жніўня ліцэнзаванне імпарту ўкраінскіх тавараў у Беларусі прымяняцца не будзе. Пра гэта гаварылася ў каментары прэс-службы беларускага МЗС з нагоды прыняцця Міжведамаснай камісіяй па міжнародным гандлі Украіны рашэння ад 5 жніўня 2014 года, згодна з якім Украіна спыніць спагнанне спецпошліны на беларускія тавары, уведзеныя раней у адказ на рашэнні ўрада Беларусі аб ліцэнзаванні імпарту шэрагу тавараў з краін, якія не ўваходзяць у Мытны саюз.
Беларускае Радыё Рацыя
Фота прэс-службы прэзідэнта Украіны
Глядзіце таксама
