У Берасці адкрылася выстава карыкатураў «Сатырыкон»
Выстава найлепшых працаў з калекцыі міжнароднага конкурсу карыкатур і гумарыстычнай графікі «Satyrykon» адкрылася ў выставачнай зале гатэля «Эрмітаж».
Працы прыехалі ў Беларусь упершыню, — адзначыў адзін з галоўных арганізатараў мерапрыемства з польскага боку, Гжэгаж Шчэпанэк:
— Выстава вандруе па усё Еўропе і Беларусь — адна з еўрапейскіх краінаў, якую мы наведваем. Мы хочам паказаць гэтую выставу у розных формах: часам гэта рэтраспектыва, часам, як у Беларусі, гэта прэзентацыя сёлетняга конкурсу. І мы такім чынам хочам рэкламаваць і «Сатырыкон» і наш горад — Легніцу.
У час прэзентацыі выставы «Satyrykon» таксама адбылася дыскусія пра месца сучаснага мастацтва і карыкатуры ў грамадстве і абмеркаванне ўмоваў удзелу беларусаў у конкурсе.
Беларускае Радыё Рацыя, Берасце
Фота: virtualbrest.by
Глядзіце таксама
