Майсэн — горад, вядомы сваім фарфорам, разводдзямі і славянскімі назвамі
Майсэн — горад у Саксоніі вядомы сваім фарфорам, разводдзямі ды шматлікімі славянскімі назвамі, якія немцам не да тлумачэння.
Што да назваў, дык рэкі Лаба (Эльба) і Трыбіш, якія ў межах гэтага места кажуць пра тое, што тут доўгі час жылі палабскія славяне. Іх анямечванне пачалося толькі з 11-га стагоддзя, пасля пераходу гэтых зямель пад Майсэнаўскую марку. Навакольныя мястэчкі Ломаць, Остраў, Мохаў, Прэстэвіц, Гродзец — даюць нам адказ, адкуль такія назвы.
Рака Трыбіш
Паводкі перыядычна шкодзяць старому гораду, які месціцца ў даліне вышэй названых рэчак. Вось напамін пра ровень вады ў 2002 годзе, на адной з вуліцаў Майсэна.
[Not a valid template]
Захаванне старых элементаў — турыстычная разынка. Так выглядаюць выступы ля дзвярэй дома, для спешвання конніка.
А гэта ў Майсэне найвузейшы дом, які захаваўся з часоў трыццацігадовае вайны і бачыў войскі шведскага караля.
Альбрэхтсбург — найстарэйшы палац у Нямеччыне. Тут была выкарыстана спроба перабудовы абарончага замка на палац гатычнага характару. Для захавання таямніцы майсэнаўскага фарфору палац быў месцам яго вырабу.
[Not a valid template]
Майсэнаўская фарфоравая мануфактура вядома вытанчанымі вырабамі, цэны на якія, як на наша вока, надзвычай высокія. Але што зробіш, гэта кошт ручной працы, і брэнду, які вядомы з пачатку 18-га стагоддзя. Цэны ўказаны ў еўра, на фотах ніжэй.
[Not a valid template]
Саксонскі прынц курфюрст Аўгуст Моцны перайшоў у каталіцтва, што было ўмовай для атрымання кароны Рэчы Паспалітай абодвух народаў Польшчы і Літвы (цяп.- Беларусі). У 1697 годзе стаў манархам нашага краю. Вялікая колькасць сакральных фігураў, таму сведкамі. Вось адна з іх.
Ёган Ёахім Кендлер быў першым галоўным мадэльерам мануфактуры. Пры ім выраблялася каля 80 фігураў на рэлігійныя тэмы, хоць сам ён быў сынам пратэстанцкага вікарыя. Сярод фігураў — блізкая духу гарадзенцаў кампазіцыя з гісторыі Святога Губэрта.
[Not a valid template]
У студзені 1734 году Саскі князь, прынц курфюрст Фрыдэрык Аўгуст, сын «Моцнага» стаў чарговым манархам. У Беларусі ён вядомы, як Аўгуст Сас. У гонар такой падзеі майсенаўская мануфактура вырабіла каранацыйны сервіз да якога належала таксама гэтая талерка. Яна дэманстравала права Сасаў на Вялікалітоўска-польскую карону.
Дама і кавалер у шляхецкіх строях, якія насілі ў Рэчы Паспалітай абодвух народаў. Дама выцягнула руку для пацалунку. Кампазіцыя выканана Ёганам Ёахімам Кендлерам у 1740 годзе. Гэта алюзія да сімвалічнага паклону караля перад нашай шляхтай.
Мануфактура — адзінае стабільнае месца заробку для мясцовых жыхароў, бо беспрацоўе ў горадзе значнае. Чужынец, як кажуць тамтэйшыя працаўнікі, няма шанцаў працаўладкавацца на гэтым прэстыжным прадпрыемстве.
[Not a valid template]
Цікава ў вырабах з парцэляны тое, што формы захоўваюцца з 18-га стагоддзя, што дазваляе «па старых лекалах» вырабляць шэдэўры мінулага.
[Not a valid template]
Якуб Сушчынскі, Майсэн
Фота аўтара
