Жыхарам памежжа забараняюць увозіць алкаголь
З 15-га кастрычніка праз пункты спрошчанага пропуску забараняецца ўвозіць у краіну алкагольныя напоі і піва. Пры гэтым, іх па-ранейшаму можна вывозіць. Алкаголь – не больш за 1 літр на аднаго чалавека, якi дасягнуў 18-гадовага ўзросту, а таксама піва – не больш за 2 літры на адную фізічную асобу, якая дасягнула паўналецця.
„Гэтыя захады накіраваныя на спыненне фактаў увозу фізічнымі асобамі алкагольнай прадукцыі для яе ўключэння ў незаконнае абарачэнне з прычыны адсутнасці мытнага кантролю ў пунктах спрошчанага пропуску праз мяжу Беларусі,” – пракаментавалі змены ў Дзяржаўным мытным камітэце.
Пункты спрошчанага пропуску прызначаныя толькі для жыхароў памежных тэрыторый. Пры гэтым нормы бязмытнага ўвозу тавараў асабістага карыстання фізічнымі асобамі праз звычайныя пункты мытнага афармлення не змяніліся.
Глядзіце таксама
