Баранавіцкія прадпрымальнікі супраць Указа №222
У сувязі з падзеямі на рынку ў Полацку і ў падтрымку бастуючых полацкіх прадпрымальнікаў, баранавіцкія прадпрымальнікі накіравалі зварот на імя старшыні гарадскога выканаўчага камітэта і копію ў Адміністрацыю прэзідэнта. У звароце яны патрабуюць накласці мараторый на Указ прэзідэнта №222, кажа прадпрымальнік Мікола Чарнавус:
– Хочам, каб нас пакуль не чапалі. А калі нас будуць чапаць, мы будзем пляскаць у далоні і тупаць нагамі, а падаткі ім плаціць не будзем! Хочам, каб указ змянілі, бо ў нас няма магчымасці ўзяць дакументы ў Маскве.
Прыняты 16 траўня 2014 года Указ прэзідэнта №222 мяняе жыццё прадпрымальнікаў чарговы раз. Прадпрымальнікі Беларусі не змогуць рэалізаваць тавары без сертыфікатаў на кожную адзінку набытага тавара. Але дзеянне Указа было прыпынена да 1 студзеня 2016 года. А полацкія чыноўнікі чакаць не сталі, кажа Мікола Чарнавус.
Беларускае Радыё Рацыя
Глядзіце таксама
