Расейскага пасла абсмяялі за няўдалы тролінг ЗША
Пасол Расеі ў Вялікабрытаніі Аляксандр Якавенка паспрабаваў патроліць ЗША, але быў абсмяяны сам.
Расейскі дыпламат у сваім Twitter раскрытыкаваў ультыматум ЗША Іраку пра супрацоўніцтва з Расеяй, праілюстраваўшы гэта кадрам з галівудскай камедыі.
„Тэрарысты, мабыць, цешацца”, – напісаў Якавенка.
US threatens to stop helping Iraq against ISIL if Baghdad asks Russia for help. The terrorists must be rejoicing pic.twitter.com/aKDaf1ae7q
— Alexander Yakovenko (@Amb_Yakovenko) 21 октября 2015
Пасол, падобна, не зразумеў, што выдаў за ісламскага тэрарыста экраннага наркамана з камедыі „Гаральд і Кумар: Уцёкі з Гуантанама”.
На паведамленне расейскага дыпламата адрэагаваў актор Кэл Пэн, фота якога ён і змясціў. У фільме герой Пэна для жарту апранае накладную бараду і цюрбан, пасля чаго робіць выгляд, што адбываецца катастрофа самалёта, прыводзячы ў жах пасажырку насупраць.
Актор прызнаўся, што не мог перастаць смяяцца, калі ўбачыў, што пасол усур’ёз выкарыстаў гэтую карцінку.
The Russian Federation ambassador to the UK tweeted this Harold & Kumar pic with seriousness. I can’t stop laughing. https://t.co/ZsR041AAVJ
— Kal Penn (@kalpenn) 21 октября 2015
Пазней да „гутаркі” далучыўся афіцыйны профіль пасольства РФ у Вялікабрытаніі, дзе падкрэслілі, што знайсці сапраўднага тэрарыста, які смяецца, не так проста.
Што праўда, іншыя карыстальнікі Twitter, якія назіралі за дыялогам расейцаў з акторам, хутка знайшлі ўсмешлівага тэрарыста” – баевіка па мянушцы Матарола.
Picture of ACTUAL terrorist laughing @EliotHiggins @kendo1184 @RussianEmbassy @ChristopherJM @kalpenn pic.twitter.com/vawqdiy22P
— Jane Jerome (@j2JaneJerome) 21 октября 2015
