V Варшаўскі фестываль беларускага кіно „Bulbamovie”
У Варшаве праходзіць фестываль беларускага кіно „Bulbamovie”. Адметнасць сёлетняга фестываля – стужкі пра Беларусь, якія знятыя замежнікамі.
Пётр Дудановіч і Роберт Экштэйн
У прыватнасці ўжо быў паказаны „Капусны касмічны карабель” – фільм пра падарожжа сербска-лужыцкага гурта ў Беларусь. Рэжысёр фільма – Роберт Экштэйн.
Кінакрытык Андрэй Расінскі зазначае, што ў стужках асаблівая ўвага нададзена нефармальнай беларускай культуры:
– Стужкі знятыя замежнікамі пра Беларусь, альбо з удзелам беларускіх творцаў – гэта даволі цікавы позірк, позірк крыху звонку. Ён паказвае незалежную беларускую культуру, якая жывая, якую можа быць мы самі не так бачым, як звонку. Было цікава пабачыць, цікава гэта адчуць і зразумець, што ўсё гэта жывое.
У нядзелю ў межах кінафествалю запланаваны паказ стужак пераможцаў адмысловага конкурсу “Bulbamovie”, які сёлета адбываецца ў Менску.
Адам Завальня, Беларускае Радыё Рацыя
