Хто трапіў у Сейм і Сенат ад Падляшша?
Сталі вядомыя прозвішчы прадстаўнікоў Падляшша ў Сейме і Сенаце Польшчы.
У Сейм трапілі прадстаўнікі 5 выбарчых камітэтаў.
Самае вялікае прадстаўніцтва – 8 мандатаў ад Падляшша атрымала “Права і справядлівасць”: Кшыштаф Юргель, Яраслаў Зялінскі, Дарыюш Пёнткоўскі, Лех Калакоўскі, Яцэк Жалек, Бернадэта Крыніцка, Казімеж Гвяздоўскі і Яцэк Багуцкі.
Са спісу „Грамадзянскай платформы” мандат ад Падляшша атрымалі Роберт Тышкевіч, Бажэна Камінска і Томаш Цімашэвіч.
Па адным прадстаўніку ад „Кукіз’15” Адам Андрушкевіч, ад „Сучаснай” Кшыштаф Трускаляскі, ад „Польскай сялянскай партыі” Казімеж Башко.
Ніводны з кандыдатаў, якія звярталіся да беларускай меншасці і праваслаўных, змешчаныя ў розных партыйных спісах, не атрымалі дастатковай колькасці галасоў каб трапіць у Сейм.
Не атрымаў мандату і шматгадовы дэпутат Яўген Чыквін, які прадстаўляў праваслаўных:
– На шчасце ў гэты раз ні з кім не канкураваў, але былі ў спісе „Грамадзянскай платформы”, і ў спісе „Аб’яднаных левых”, і нават у спісах Кукіза і Корвіна, якія таксама казалі людзям, што паходзяць з гэтага асяроддзя. Нават не было магчымасці з імі паразмаўляць, бо вельмі сумняваўся, што гэта дасць вынік. Вельмі шкадую, што не будзе, бо шматтысячная праваслаўная супольнасць за апошнія 25 гадоў не будзе мець свайго прадстаўніка.
У Сенат ад Падляшша трапілі толькі кандыдаты ад партыі „Права і справядлівасць”: Ян Дабжынскі, Багдан Пачкоўскі і Тадэвуш Раманчук.
Валянціна Лаеўская, Беларускае Радыё Рацыя
