Беларускія добраахвотнікі: Пуцін наўрад ці спыніцца
Прэзідэнт Украіны Пятро Парашэнка падпісаў закон, які дазваляе замежнікам служыць у нацыянальным войску. А таксама накіраваў у органы міліцыі і міграцыйнай службы даручэнне неадкладна дапамагаць тым іншаземным абаронцам краіны, якія хочуць атрымаць украінскае грамадзянства.
Дакумент стаўся адказам Парашэнкі на петыцыю за прадстаўленне грамадзянства іншаземцам, якія ваююць на баку Украіны ў зоне антытэрарыстычнай аперацыі. Гэтага ж далёка не першы месяц дамагаюцца прынамсі дзясяткі добраахвотнікаў з Беларусі, Грузіі, Расеі ды іншых краінаў, якія дагэтуль знаходзяцца ў цьмяным прававым становішчы. У прыватнасці, нашыя суайчыннікі, якія ваююць на баку Украіны, цвердзяць, што па вяртанні на Бацькаўшчыну іх чакае турма.
Беларускія ваяры на Данбасе Ян Мельнікаў і Аляксей Скобля.
„Добраахвотнікі – тыя хлопцы, якія падымаюць усе вострыя пытанні. І ўлада апасаецца, што яны ствараюць антырэйтынг для ўлады”.
„Мы бачым зацягванне вайны. З гэтай вайны хочуць зрабіць Прыднястроўе, а добраахвотнікі не згодныя з гэтым. Навошта Парашэнка даваць пашпарт людзям, якія перашкаджаюць ягоным планам”, – адзначае Аляксей Скобля.
„Мы трэнуемся, як тактычная група „Беларусь”. Наша першая мэта – абараніць Украіну. Але мы разумеем, што Пуцін наўрад ці спыніцца на Украіне. Верагодны сцэнар у Беларусі, таму мы праводзім навучанне. Да нас прыязджаюць людзі, якія не хочуць удзельнічаць у вайне, але хочуць мець навыкі, бо нацыя павінна ўмець сябе бараніць”, – сцвярджаюць маладзёны.
„З нашай групы ніхто не збіраецца атрымліваць грамадзянства Украіны. Мы зрабілі сабе від на жыхарства. Мы яшчэ не чыталі новага закону, таму мы яшчэ яго не абмяркоўвалі”, – кажа Ян Мельнікаў.
І дадае:
„Мы хочам прыцягнуць да сябе ўвагу і разбудаваць арганізацыю. Каб хлопцы, якія хочуць дапамагчы, ведалі куды звяртацца. Нацыя павінна ўтрымліваць сваіх ваяроў. Мы пазіцыянуем сябе як хлопцаў, якія ў выпадку небяспекі, будуць бараніць Радзіму”.
Жадаеш дапамагчы хлопцам?
life:) 073 472 74 07
кіеўстар 068 958 12 17
