У Гародні збіраюць зімовыя рэчы для ўкраінцаў
Гарадзенскія валанцёры з ініцыятывы „Гуманітарны маршрут „Беларусь-АТО” сабралі вялікую колькасць рэчаў для бежанцаў з Данбаса, якія зараз жывуць на Чарнігаўшчыне. Валанцёры збіраюць рэчы ў Менску, Берасці і Гомелі. Пра тое, што зараз патрэбна да зімы бежанцам, распавядае гарадзенскі валанцёр Алесь Кіркевіч:
– На дадзены момант патрэбны перадусім рэчы, якія можна насіць у халодны перыяд. Гэта курткі, цёплыя шкарпэткі, шалікі, шапкі. У прынцыпе, усё, што вы носіце, можна перадаваць тым людзям, якія воляй лёсу сталі бежанцамі з Данбаса і зараз пражываюць у розных рэгіёнах Украіны.
Па словах Алеся Кіркевіча, асноўная праблема, якая стаіць для гарадзенскіх валанцёраў, – гэта не збор рэчаў, а іх дастаўка з Гародні ва Украіну.
Апроч рэчаў, гарадзенскія валанцёры збіраюць грошы на новы аўтамабіль для Першага добраахвотніцкага шпіталя імя Пірагова. Гэтым займаецца валанцёр Дзяніс Івашын.
Беларускае Радыё Рацыя, Гародня
Фота facebook.com
Глядзіце таксама
